أسهل طريقة لعمل الميني بيتزا

وصفتنا النهاردة تنفع للمدارس واللانش بوكس، هنعمل الميني بيتزا بأسهل طريقة.

مقادير الميني بيتزا:

• 500 جرام دقيق مخبوزات أو دقيق متعدد الأستخدامات

• 300 مل مياه

• 14 جم ملح

• م ص سكر

• م ص خميرة فورية

• 2 م ك لبن بودرة

طريقة تحضير الميني بيتزا:

•  نخلط المواد الجافة و نخلي بالنا الملح ميجيش عالخميرة.

• بعد كده ننزل بالمياه واحدة واحدة لحد ما العجينة تلم ‎اول ما تلم العجينة نضيف معلقة صغيرة زيت زيتون و نعجن ٥ دقايق بالعجان او ١٠ دقايق  لربع ساعة على ايدينا.

• نغطيها و نسيبها لحد ما يتضاعف حجمها.

• نشكلها كل واحدة حوالي 60 جم.

• نحط الاضافات اللي نحبها.

• تدخل فرن مسخن مسبقا على أعلى درجة حرارة لحد ما تاخد لون ذهبي.

كتبت: مروة عوض